TOShKENT, 20-iyun — Sputnik. O‘zbekistonda 20 iyun kuni birinchi sinfga hujjatlar qabuli boshlandi, xabar berdi Maktabgacha ta’lim va maktab ta’limi vazirligi. Bolalar 1-sinfga ikki bosqichda qabul qilinadi. 20-iyundan 31-iyulgacha – mikrohududlar doirasida, 1avgustdan 15-avgustgacha esa mikrohududdan tashqarida hujjatlar qabul qilinadi.
43 ta tumanlarda (shahar)da 1-sinf uchun hujjatlar davlat xizmati orqali elektron shaklda topshirilishi kerak.
“Bunday holatda, 20-iyundan boshlab ota-onalar my.maktab.uz elektron platformasi orqali ro‘yxatdan o‘tib, ariza topshirishlari kerak”, — deyiladi vazirlik xabarida.
Tizimga kirish va ro‘yxatdan o‘tish uchun shaxsiy telefon raqamlari kiritiladi. Keyin so‘ralgan bo‘sh maydonlar to‘ldiriladi. Masalan, qarindoshlik darajasini (ona yoki ota), bolaning tug‘ilganlik haqidagi guvohnomasini ko‘rsatish va maktabni tanlash joiz.
Qolgan hududlarda hujjatlar to‘g‘ridan-to‘g‘ri ta’lim muassasasida qabul qilinadi, bolalar maktab ma’muriyati tomonidan vazirlikning elektron tizimida (adm.maktab.uz) ro‘yxatga olinadi.
Maktabgacha va maktab ta’limi vazirligi “Ta’lim to‘g‘risida”gi qonunga (9-modda) muvofiq, bolalar 7 yoshga to‘lgan yili maktabga qabul qilinishini eslatib o‘tgan. Shunday qilib, bu yil 2016-yil 1-yanvardan 31-dekabrgacha tug‘ilgan bolalar birinchi sinf o‘quvchilari bo‘ladi.
Elektron qabul jarayoni bo‘yicha qo‘shimcha ma’lumotlarni vazirlikning axborot-markazi (71) 203-07-04 raqami orqali yoki @Mymaktab_uz Telegram rasmiy kanali orqali olish mumkin.