TOShKENT, 17-iyun — Sputnik. Rossiya Davlat dumasi deputati Mixail Sheremet AQSh prezidenti Jo Baydenni Qrimga davolanish uchun kelishga taklif qildi, deya xabar berdi RIA Novosti.
“Menimcha, AQShda Bayden shunchaki masxara qilinadi. Biz u haqida jiddiy xavotirdamiz. Ishonchim komilki, unda to‘plangan tajovuz amerikalik targ‘ibotchilar uni berkitishga urinmasin, televizor ekranlarida yorqin aks ettirilgan surunkali bezovtalik bilan bog‘liq. Bayden Qrimga davolanish uchun kelsa ham bo‘ladi. Rossiyada toza havo, zamonaviy tibbiy jihozlar va eng yaxshi shifokorlar bor”, deydi deputat.
Uning aytishicha, afsuski, Baydenning atrofidagilar uni nazorat qilish mumkin bo‘lgan qo‘g‘irchoq sifatida ishlatishadi. Shuning uchun butun dunyo manfaati uchun puxta o‘ylangan qarorlar qabul qiladigan aqli raso odam bo‘lishi uchun unga shifo topishiga imkon berishmaydi.
“Ishonchim komilki, amerikaliklar buning uchun bizdan faqat minnatdor bo‘lishadi”, - deya xulosa qildi siyosatchi.
U Bayden Qrimdan boshqa shaxs – tinchliksevar va xalqaro siyosatda adekvat qarorlar qabul qilishga qodir bo‘lib qaytishiga ishonch bildirdi.