TOShKENT, 13-iyun — Sputnik. Rossiya tankchilari Ukraina Qurolli kuchlarining texnikasini, jumladan, Amerikaning “Bredli” piyoda jangovar mashinasini Zaporojye yo‘nalishida yo‘q qildi, deya RIA Novostiga xabar beradi "Suyetolog" chaqiruv belgisi ostidagi tank rotasi qo‘mondoni.
Qo‘mondon RIA Novostiga “Bredli”ning tungi jangda mag‘lubiyatga uchragani teplovizor orqali olingan videosini taqdim etdi.
“Tunda hujumni qaytarish va Zaporojye yo‘nalishida pozitsiyalarimizni yorib o‘tishga urinish jarayonida dushmanning bir qancha texnikasini ekipajimiz yo‘q qildi. Ular orasida NATO tomonidan ishlab chiqarilgan “Bredli” piyoda askarlarning jangovar mashinasi ham bor edi. Ekipajlarimiz tunda va yaqin masofadagi jangda shunday nishonlarni muvaffaqiyatli yakson qiladi”, — dedi komandir.
Mudofaa vazirligining xabar berishicha, 4-iyun kuni ertalab Ukraina QK frontning Yujnodonesk yo‘nalishidagi beshta hududida keng ko‘lamli hujumga o‘tgan. Prezident Vladimir Putin so‘zlariga ko‘ra, rossiyalik askarlarning jasorati va qo‘shinlarning to‘g‘ri tashkil etilgani tufayli Ukraina qo‘shinlari hech bir hududda o‘z maqsadlariga erisha olmadi. Kiyev tomonidan qilingan barcha qarshi hujum urinishlari barbod bo‘ldi, biroq UQKning hujum salohiyati saqlanib qolmoqda, dedi davlat rahbari.