TOShKENT, 13-iyun — Sputnik. Kecha, 12-iyun kuni, Xivada Abu Rayhon Beruniy nomidagi Xalqaro kimyo olimpiadasining ochilish marosimi o‘tkazildi. Bu haqda Maktabgacha va maktab ta’limi vazirligi ma’lum qildi.
Abu Rayhon Beruniy nomidagi Xalqaro kimyo olimpiadasining ochilish marosimi o‘tkazildi
© Maktabgacha va maktab ta’limi vazirligi
Unda Maktabgacha va maktab ta’limi vazirligi, Xorazm viloyati hokimligi, mutasaddi tashkilotlar, shuningdek, olimpiadada ishtirok etuvchi xorijiy davlatlar o‘quvchi-yoshlari qatnashdi.
Tadbirda so‘zga chiqqanlar mazkur musobaqaning ahamiyatli jihatlari hamda uning ishtirokchi o‘quvchilar hayotidagi o‘rni xususida fikr bildirishdi.
Abu Rayhon Beruniy nomidagi Xalqaro kimyo olimpiadasining ochilish marosimi o‘tkazildi
© Maktabgacha va maktab ta’limi vazirligi
Abu Rayhon Beruniy nomidagi Xalqaro kimyo olimpiadasining ochilish marosimi o‘tkazildi
© Maktabgacha va maktab ta’limi vazirligi
Tadbir davomida ishtirokchi davlatlarning tanishtiruv marosimi tashkil etildi.
Olimpiadaning ochilish marosimi kuy-qo‘shiqlar va o‘quvchi-yoshlarning raqs davralariga ulanib ketdi.
Abu Rayhon Beruniy nomidagi Xalqaro kimyo olimpiadasining ochilish marosimi o‘tkazildi
© Maktabgacha va maktab ta’limi vazirligi
Eslatib o‘tamiz, Abu Rayhon Beruniy nomidagi Xalqaro kimyo olimpiadasi O‘zbekistonda ilk bor o‘tkazilmoqda. Unda 15 mamlakatdan 130 nafar kimyo fanidan bilimdon o‘quvchilar ishtirok etadi.
Ma’lumot uchun, Abu Rayhon Beruniy Xorazmning buyuk allomasi, tarix, geografiya, filologiya, astronomiya, matematika, geodeziya, mineralogiya, farmakologiya, geologiya va boshqa ko‘plab fanlarga oid qomusiy asarlar muallifi. U O‘rta Sharqda ilk bora Yer Quyosh atrofida aylanishi mumkinligini aytib, Yerning aylana o‘lchamini aniqlagan.