TOShKENT, 12-iyun — Sputnik. Shifokor-somnolog Roman Buzunov uyqusizlik oqibatlari haqida aytib berdi.
Mutaxassisning fikriga ko‘ra, uyqusizlik birinchi kundanoq organizmga ta’sir ko‘rsatadi. Insonning ahvoli yomonlashadi, bosh og‘rig‘i va kuchsizlik paydo bo‘lishi mumkin.
“Uzoq vaqt davom etayotgan uyqusizlik immunitetni zaiflashtiradi, yuqumli kasalliklarning ko‘payishiga olib keladi va hatto onkologik patologiya xavfini oshiradi. Organizmda moddalar almashinuvi jarayonlari buziladi. Bu ortiqcha vazn yig‘ish va qandli diabet kasalligiga olib keladi”, – fikr bildirdi Buzunov Lenta.Ru portaliga.
Shifokor, shuningdek, uyqusizlik ko‘pincha yo‘llarda baxtsiz hodisalarga ham olib kelishini ta’kidladi. Ba’zi odamlar avtomobil haydash jarayonida uxlab qoladi.