TOShKENT, 8-iyun — Sputnik. Ikki karra jahon chempioni, “Tokio-2020” olimpiya o‘yinlari g‘olibi Bahodir Jalolov Surxondaryo viloyati hokimi tomonidan munosib taqdirlandi. Bu xaqda viloyat matbuot xizmati xabar bermoqda.
Viloyat hokimi Ulug‘bek Qosimov Bahodir Jalolovni Toshkentda bo‘lib o‘tgan boks bo‘yicha erkaklar o‘rtasidagi jahon chempionatida oltin medalni qo‘lga kiritgani bilan muborakbod etdi.
Tadbir davomida Bahodir Jalolovga Surxondaryo viloyatidan xonadon sovg‘a qilindi.
Toshkent shahrida o‘tkazilgan boks bo‘yicha erkaklar o‘rtasidagi jahon chempionatida Bahodir Jalolov o‘z vazn toifasida jahon chempionligini qo‘lga kiritgan. Unga Xalqaro boks assotsiatsiyasi tomonidan 200 ming $ miqdoridagi pul mukofoti beriladi.