TOShKENT, 3-iyun — Sputnik. Rossiya Federatsiyasi Sog‘liqni saqlash vaziri Mixail Murashko "O‘zbekiston Respublikasi Sog‘liqni saqlash a’lochisi" ko‘krak nishoni bilan taqdirlandi. Bu haqda Sog‘liqni saqlash vazirligi xabar berdi.
O‘zbekiston Sog‘liqni saqlash vaziri Amrillo Inoyatov hamkasbi Mixail Murashkoga "O‘zbekiston Respublikasi Sog‘liqni saqlash a’lochisi" ko‘krak nishonini topshirdi.
"Mixail Murashkoga ko‘krak nishoni ikki mamlakat o‘rtasida tibbiyot sohasidagi hamkorlikni rivojlantirishga qo‘shgan hissasi uchun berildi", deyiladi xabarda.
Shuningdek, O‘zbekiston – Rossiya xalqaro sog‘liqni saqlash forumida bir guruh rossiyalik hamkorlar ham "O‘zbekiston Respublikasi Sog‘liqni saqlash a’lochisi" ko‘krak nishoni bilan taqdirlandi.
Eslatib o‘tamiz, bugun Samarqandda O‘zbekiston — Rossiya xalqaro sog‘liqni saqlash forumi boshlanadi.Unda bir qator memorandum va shartnomalar imzolandi.