TOShKENT, 2-iyun — Sputnik. Birlashgan Arab Amirliklarining (BAA) "Wizz Air" loukoster aviakompaniyasi Buxoroga to‘g‘ridan-to‘g‘ri aviaqatnovlarni yo‘lga qo‘ymoqchi. Bu haqda Buxoro viloyati Madaniyat va turizm boshqarmasi xabar berdi.
Buxoro viloyati Madaniyat va turizm boshqarmasi boshlig‘i BAAdagi "WizzAir" loukoster aviakompaniyasi mutasaddilari bilan muzokaralar o‘tkazdi.
© Press-slujba upravleniya Kulturi i turizma Buxarskoy oblasti
Hozirda aviakompaniya Toshkent va Samarqandga Abu-Dabidan to‘g‘ridan-to‘g‘ri reyslarini yo‘lga qo‘ygan. Muzokaralar davomida kelgusida ushbu reyslarni Buxorodan ham amalga oshirish bo‘yicha takliflar ko‘rib chiqildi.
Ushbu taklif BAA loukosteri rahbariyati a’zosi Krislen Keri tomonidan qo‘llab-quvvatlandi.
Shuningdek, uchrashuv davomida Buxoro xalqaro aeroporti va Buxoro viloyatining turistik salohiyati taqdimoti o‘tkazildi.
“Kelgusida mazkur aviakompaniya bilan haftasiga Abu Dabi-Buxoro-Abu Dabi reyslarini amalga oshirish bo‘yicha Buxoro viloyati hokimligi, Buxoro xalqaro aeroporti bilan barcha choralarni ko‘rishga qaror qilindi”, - deyiladi xabarda.
Qayd etilishicha, bu Buxoroga BAAdan keladigan sayyohlar sonining sezilarli darajada oshish imkonini yaratadi.