TOShKENT, 31-may — Sputnik. Iqtisodiyot va moliya vaziri Sherzod Kudbiyev “Alkogol mahsulotlarning eng kam ulgurji va chakana narxlarini qayta ko‘rib chiqish to‘g‘risida”gi buyruqqa imzo chekdi.
Unga ko‘ra, 1-iyundan eng kam ulgurji va sotish narxlari o‘rtacha 20 foizga, chakana narxlar esa 16 foizga oshadi.
Alkogol mahsulotlari narxlari (pivodan tashqari) quyidagicha bo‘ladi:
Sotilayotgan tovarning nomi | Ishlab chiqaruvchi korxonalarning eng kam ulgurji-sotish narxi | Eng kam chakana narx |
Vino, 1 litr tayyor mahsulot uchun so‘m hisobida | 14 400 | 16 400 |
Konyak, 1 litr tayyor mahsulot | 57 400 | 66 000 |
Aroq va boshqa alkogol mahsulotlari, 1 litr tayyor mahsulot | 37 000 | 43 000 |
Avvalroq alkogol mahsulotlari narxi yanada qimmatlashi kutilayotgani xabar qilingan edi.
O‘zbekistonda avgust oyidan 21 yoshga to‘lmaganlarga tamaki va alkogol sotish taqiqlanadi.