O‘zbekistonlik bokschilar Rossiyadagi xalqaro turnirda 12 ta medalni qo‘lga kiritishdi

TOShKENT, 27-may — Sputnik. O‘zbekistonlik bokschilar Rossiyaning Xabarovsk shahrida boks bo‘yicha erkaklar va ayollar o‘rtasida Konstantin Korotkov xotirasiga bag‘ishlangan xalqaro turnirda 12 ta medal sazovori bo‘lishdi, deya xabar berdi Milliy olimpiya qo‘mitasi.

Musobaqada erkaklar va ayollar tarkibi bilan qatnashgan O‘zbekiston terma jamoasi umumiy hisobda 12 ta medalga sazovor bo‘ldi.

Vakillar turnir yakuniga ko‘ra 3 ta oltin, 5 ta kumush va 4 ta bronza medallarini qo‘lga kiritishdi.