TOShKENT, 23-may — Sputnik. 21-22 may kunlari Alisher Navoiy nomidagi O‘zbekiston davlat akademik katta teatri jamoasi Xitoyning Pekin shahriga gastrol safari bilan bordi. Bu haqda Sputnik muxbiri xabar berdi.
© Ministerstvo kulturi i turizma
100 dan ortiq teatr ijodkorlari gastrol safarida Xitoy madaniyati, milliy teatr san’ati, sozandalik sirlari bilan tanishishdi.
© Ministerstvo kulturi i turizma
Safar chog‘ida Madaniyat va turizm vaziri o‘rinbosari Bahodir Ahmedov bilan Xitoy milliy opera teatri bosh direktori Lyu Yunchji, direktor o‘rinbosari Li Danyan bilan uchrashuv o‘tkazildi. Unda ikki tomonlama o‘zaro hamkorlikni rivojlantirish borasida kelishuv memorandumi imzolandi.
© Ministerstvo kulturi i turizma
Endilikda Xitoyda “O‘zbek teatri kunlari” tashkil etiladi, gala-konsertlar hamda turli hamkorlik uchrashuvlari tashkil etiladi.
© Ministerstvo kulturi i turizma
Pekin shahridagi “Beijing Opera House” teatrida Alisher Navoiy nomidagi O‘zbekiston davlat akademik katta teatri orkestrining simfonik konsert dasturi namoyish etildi. Dasturdagi o‘zbek hamda jahon klassik musiqasidan o‘rin olgan sara asarlar barchani lol qoldirdi.
© Ministerstvo kulturi i turizma