TOShKENT, 23-may — Sputnik. AQShda davlat qarzi chegarasi bilan bog‘liq jarayonlar tufayli Ukrainaga harbiy homiylik va moliyalashtirish vaqtincha noma’lum muddatga to‘xtatilishi mumkin, deb yozadi Hill.
“Qonunchilarning ta’kidlashicha, davom etayotgan qarz chegarasining boshi berk ko‘chaga kirib qolishi va Ukrainaning bo‘lajak qarshi hujumi natijasida yuzaga keladigan oqibatlar moliyalashtirishning navbatdagi bosqichi bo‘yicha jiddiy muzokaralarni to‘xtatib qo‘ygan”, — deydi sharhlovchi Bred Dress.
Uning qo‘shimcha qilishicha, payshanba kuni Pentagon hisob-kitoblarda qo‘shimcha 3 mlrd $lik xatoni aniqlagan, ammo qolgan mablag‘ 14 mlrd $dan kam. Ba’zi hisob-kitoblarga ko‘ra, bu mablag‘ Kiyev uchun sentabrgacha davom etishi mumkin.
Bundan tashqari, vakillar palatasi a’zosi Bill Kitingning aytishicha, Kiyevning moliyalashtirish davom etishi qarshi hujumning muvaffaqiyatiga bog‘liq bo‘ladi. Shu bilan birga, uning fikricha, Ukraina “yaqin kelajak uchun yetarli mablag‘ga ega”.
Yanvar oyida davlat qarzi miqdori 31,381 trln $ni tashkil etdi. Endi Oq uy Kongressdan bu limitni hech qanday shartlarsiz oshirishni talab qilmoqda, ammo respublikachilar ko‘pchilikni tashkil etuvchi Vakillar palatasi bu xarajatlarni qisqartirish zarurati bilan bog‘lamoqda.