TOShKENT, 20-may — Sputnik. Jenisbek Piyazov Tatariston xalq artisti unvoni bilan taqdirlandi, deya xabar berdi Madaniyat va turizm vazirligi.
O‘zbekiston va Qoraqalpog‘iston xalq artisti Jenisbek Burkitovich Piyazov Rustam Minnixanov tomonidan Tatariston respublikasi xalq artisti unvoni bilan taqdirlandi.
Jenisbek Piyazov
© Ministerstvo kulturi i turizma
“Men juda xursandman va Tatariston respublikasi rahbari Rustam Minnixanov va Tatariston Madaniyat vaziri Iroda Xafizanovnaga minnatdorchilik bildirmoqchiman. Meni qo‘llab-quvvatlagan barchaga rahmat”, deb yozadi Piyazov o‘zining ijtimoiy tarmoqdagi sahifasida.
Jenisbek Piyazov
© Ministerstvo kulturi i turizma
Ma’lumot uchun, Jenisbek Burkitovich Piyazov o‘zbek va qoraqalpoq opera xonandasi. O‘zbekiston xalq artisti (2021), O‘zbekistonda (2014) va Qoraqalpog‘iston Respublikasida (2012) xizmat ko‘rsatgan artist.