TOShKENT, 16-may — Sputnik. Hozirgi Fransiya, AQSh, Ukraina va Germaniya yetakchilarining siyosiy asri uzoq bo‘lmaydi, undan keyin ularni Xalqaro jinoyat sudi kutadi. Rossiya Davlat dumasi raisi Vacheslav Volodin yapli majlis chog‘ida shunday fikr bildirdi.
“Makron, Bayden, Zelenskiy, Sholsga to‘xtaladigan bo‘lsak, bu o‘tmish odamlari, bo‘lajak ajoyib dunyoda ular bo‘lishmaydi, chunki ular dunyoni urushga duchor qilish, Ukrainani esa poligonga aylantirish uchun barcha ishni qilishdi. Ularning o‘z fuqarolari buni kechirishmaydi. Siz ularning siyosiy asri uzoq emasligini ko‘rasiz. Biz siz bilan qarsaqlar bilan ularni pensiyaga kuzatib qo‘yishgani, keyin esa ularni Xalqaro jinoyat ishi kutayotganini guvohi bo‘lamiz”, - dedi Volodin.
Uning so‘zlariga ko‘ra, bu siyosatchilar tahdid yaratib, urush bilan o‘z saylovchilari diqqatini chalg‘itishga urinishmoqda.
“Makron, agar saylovlar bugun bo‘lib o‘tganida, Marin Le Penga yutqazgan bo‘lardi, shu bois uning Xitoy, Rossiya bilan bog‘liq masalalardagi izohlari va fikrlari Fransiya aholisi, fuqarolari e’tiborini mamlakatdan bo‘lgan muammolardan uzoqlashtirishga bo‘lgan urinishdan boshqa narsa emas. Baydenga kelsak, shunchaki xasta odam”, - dedi Davlat dumasi spikeri.
Shols haqida gapirayotib, Volodin u Germaniya iqtisodiyotini barbod qilayotganini ta’kidladi.
“Eng asosiysi – Ikkinchi jahon urushidan keyin o‘n yillar davomida Sovet Ittifoqi, Rossiya va Germaniya o‘rtasida shakllangan munosabatlarga bugun uning xatti-harakatlari tomonidan nuqta qo‘yildi. Buning jabrini Germaniyaning oddiy fuqarolari tortapti, shu uchun na hozirgi, na kelajak avlod uni kechiradi. Chunki u Vashington, Brussel nog‘orasiga o‘ynayapti, bugun Ukrainaga qurol-yarog‘ yetkazib berish bilan shug‘ullanmoqda. Chunki, hoynahoy, u yerda uni harbiy harakatlar teatrida shunday jirkanch rolni ijro etishi uchun boshqarib turishadi”, - deya xulosa qildi Volodin.