TOShKENT, 16-may — Sputnik. Rossiya tashqi ishlar vaziri Sergey Lavrov Rossiya Federatsiyasi subyektlari rahbarlari kengashi majlisini o‘tkazdi.
Mintaqalar va ularning Markaziy Osiyodagi sheriklari o‘rtasida savdo-iqtisodiy, madaniy va gumanitar sohalardagi aloqalarni rivojlantirish kun tartibining asosiy masalasi bo‘ldi.
“Bizning Qozog‘iston, Qirg‘iziston, Tojikiston, Turkmaniston, O‘zbekiston bilan munosabatlarimiz tenglik, o‘zaro hurmat, do‘stlik va yaxshi qo‘shnichilik tamoyillari asosida ittifoqchilik, strategik sheriklik ruhida yo‘lga qo‘yilmoqda”, - dedi Lavrov.
Lavrov, shuningdek, siyosiy muloqot faol investitsiya hamkorligini rivojlantirishga yordam berishini va tovar aylanmasining barqaror o‘sishini ta’minlaydigan masalalarni hal qilishga yordam berishini ta’kidladi.
Shu bilan birga, vazir o‘tgan davr mobaynida MDH davlatlari, Xitoy, Hindiston, Eron, Turkiya va Arab mamlakatlari bilan o‘zaro aloqalar darajasi sezilarli darajada oshganini qo‘shimcha qildi. U munitsipalitetlar o‘rtasidagi aloqalarning sezilarli darajada faollashganini ta’kidladi.