TOShKENT, 11-may — Sputnik. Ulug‘ Vatan urushining fojiali saboqlari Mustaqil Davlatlar Hamdo‘stligi (MDH) hududida barqarorlik va xavfsizlikni mustahkamlashga majbur qiladi. Bu haqda MDH bosh kotibi Sergey Lebedev Turkmaniston prezidenti Serdar Berdimuhamedovga G‘alaba kuni munosabati bilan yo‘llagan tabriknomasida yozdi.
“O‘tgan urushning fojiali saboqlari bugun bizni ko‘p tomonlama davlatlararo hamkorlikni asrab-avaylash va rivojlantirish, integratsiya birlashmamiz makonida barqarorlik va xavfsizlikni mustahkamlashga majbur qiladi”, — deb yozgan Lebedev.
9 may kuni Moskvaga deyarli barcha MDH davlatlari: Armaniston, Belarus, Qozog‘iston, Qirg‘iziston, Tojikiston, Turkmaniston va O‘zbekiston rahbarlari keldi. Davlat rahbarlari G‘alaba paradida ishtirok etdi. Shundan so‘ng yetakchilar Aleksandr bog‘idagi Noma’lum askar qabriga gul qo‘ydi.