TOShKENT, 11-may — Sputnik. Buyuk Britaniyaning Kiyev rejimiga uzoq masofaga uchuvchi raketalarni yetkazib berishi Rossiya harbiylaridan tegishli munosib javobni talab qiladi. Bu haqda Rossiya prezidenti matbuot kotibi Dmitriy Peskov ma’lum qildi.
Peskov Kreml Londonning Kiyevga uzoq masofaga uchuvchi raketalar yetkazib berganiga “o‘ta salbiy” munosabat bildirganini ta’kidladi.
“Bu harbiylarimizdan tegishli munosib javob talab qiladi. Ular, tabiiyki, harbiy nuqtayi nazardan bunga tegishli qaror qabul qilishadi”, - dedi Rossiya yetakchisi matbuot kotibi. Uning so‘zlaridan RIA Novosti iqtibos keltirgan.
Avvalroq CNN telekanali o‘z manbalariga tayanib, Britaniya Ukrainaga “Storm Shadow” uzoq masofaga uchuvchi qanotli raketalar yetkazib berganini xabar qilgan edi. Kiyev Londonni raketalar faqat Ukraina hududida qo‘llanilishiga ishontirishgan.
Rossiya Ukrainaga qurol yetkazib berilgani uchun NATO davlatlariga nota yuborgan. Rossiya tashqi ishlar vaziri Sergey Lavrov Ukraina uchun qurol bo‘lgan har qanday yuk Rossiya uchun qonuniy nishonga aylanishini qayd etdi. Rossiya Tashqi ishlar vazirligi NATO davlatlari Ukrainaga qurol yetkazib berish orqali “o‘t bilan o‘ynashmoqda”, deya ta’kidlagan.
Rossiya prezidenti matbuot kotibi Dmitriy Peskov Ukrainaga G‘arbdan qurol-yarog‘ yetkazib berish Rossiya-Ukraina muzokaralarining muvaffaqiyatiga hissa qo‘shmasligi va salbiy ta’sir ko‘rsatishini qayd etgan.
Lavrovning aytishicha, AQSh va NATO Ukrainadagi mojaroda, jumladan, “nafaqat qurol-yarog‘ yetkazib berish, balki Buyuk Britaniya, Germaniya, Italiya va boshqa davlatlar hududidagi xodimlarni tayyorlash bilan ham bevosita shug‘ullanadi”.