Boks bo‘yicha JCh: Oybek Jo‘rayev musobaqadagi ilk bellashuvida g‘alaba qozondi

TOShKENT, 8-may — Sputnik. Toshkent mezbonligida o‘tayotgan boks bo‘yicha jahon chempionatining sakkizinchi kun bahslari bo‘lib o‘tmoqda.

Sakkizinchi kungi bahslarda O‘zbekiston vakili Oybek Jo‘rayev musobaqadagi ilk bellashuvini o‘tkazdi. -54 kg vazn toifasida ishtirok etayotgan bokschi birinchi bosqichda serbiyalik Tamir Galanov ustidan g‘alaba qozonib, keyingi bosqichga yo‘l oldi.

Bugun yana 4 nafar O‘zbekiston vakili – Lazizbek Mullojonov, Shodiyor Meliqo‘ziyev, Mujibillo Tursunov, Shohjahon Abdullayev ringga ko‘tariladi.