TOShKENT, 7-may — Sputnik. Bahodir Jalolov poytaxt mezbonlik qilayotgan jahon chempionatida avstraliyalik raqibiga imkoniyat qoldirmadi.
Eng og‘ir vazn toifasida Tokio-2020 Olimpiadasi chempioni Bahodir Jalolov jahon chempionatida yana bir g‘alabani rasmiylashtirdi. Bu gal o‘zbekistonlik bokschi avstraliyalik Teremoana Teremoana ustidan g‘alabaga erishib, ikkinchi chempionlik sari dadil qadam tashladi.
Bundan avval Bahodir Jalolov azaliy raqiblaridan biri bahraynlik Denis Latipov bilan jang qilgandi. Yakunda Olimpiada chempioni katta qiyinchiliksiz keyingi bosqich masalasini hal qilgandi.