TOShKENT, 4-may — Sputnik. Ostonada bo‘lib o‘tgan Osiyo chempionatida o‘zbekistonlik paradzudochilar umumjamoa hisobida 1-o‘rinni qo‘lga kiritdi.
O‘zbekiston terma jamoasi 4 ta oltin, 6 ta kumush hamda 3 ta bronza, jami 13 ta medalni qo‘lga kiritib, umumjamoa hisobida 1-o‘rinni egalladi.
11 ta davlat ishtirok etgan Osiyo chempionatida 77-sonli “Nurli maskan” maktab-internatining 10-sinf o‘quvchisi Fotima Toirova hamda 11-sinf o‘quvchisi Sevinch Xikmatova muvaffaqiyatli ishtirok etib, faxrli ikkinchi o‘rinni egallashdi.
O‘quvchilar Toshkent xalqaro aeroportida tantanali ravishda kutib olindi.