TOShKENT, 3-may — Sputnik. Bugun, 3-may kuni Berlin shahridagi Belvyu saroyida O‘zbekiston prezidenti Shavkat Mirziyoyev va Germaniya prezidenti Frank-Valter Shtaynmayerning muzokaralari bo‘lib o‘tdi. Bu haqda davlat rahbari matbuot xizmati xabar berdi.
Peregovori prezidenta Uzbekistana Shavkata Mirziyoyeva i prezidenta Germanii Franka-Valtera Shtaynmayera vo dvorse Belvyu v Berline.
Uchrashuv avvalida Mirziyoyev Shtaynmayerga Germaniyaga tashrif bilan kelish taklifi va ko‘rsatilayotgan samimiy qabul uchun minnatdorlik bildirdi.
Prezidentlar O‘zbekiston bilan Germaniya o‘rtasidagi ko‘p qirrali hamkorlik misli ko‘rilmagan sur’atda rivojlanib borayotganini mamnuniyat bilan qayd etdi. Ikki tomonlama munosabatlarni yanada yuqori bosqichga olib chiqish muhimligi yuzasidan yakdil fikr bildirildi.
Peregovori prezidenta Uzbekistana Shavkata Mirziyoyeva i prezidenta Germanii Franka-Valtera Shtaynmayera vo dvorse Belvyu v Berline.
Prezidentlar savdo-iqtisodiy, investitsiyaviy va texnologik hamkorlikni kengaytirish masalalarini ko‘rib chiqdi, amaliy hamkorlikning ustuvor yo‘nalishlarini belgilab oldi.
Peregovori prezidenta Uzbekistana Shavkata Mirziyoyeva i prezidenta Germanii Franka-Valtera Shtaynmayera vo dvorse Belvyu v Berline.
Prezidentlar umumiy qiymati 9 milliard yevrodan ziyod bo‘lgan savdo shartnomalari va investitsiya-texnologiya bitimlari imzolanishi bilan yakunlangan ishbilarmonlik tadbirlarining natijalarini olqishladi.
Berlinda O‘zbekistonning Markaziy Osiyo mintaqasida barqarorlik va farovonlikni ta’minlash borasidagi sa’y-harakatlari yuksak baholanmoqda. Shu ma’noda, Germaniya mintaqadagi o‘zaro bog‘liqlik loyihalarini, shu jumladan Yevroittifoqning “Global darvoza” tashabbusi doirasida qo‘llab-quvvatlashga tayyorligi ta’kidlandi.
Peregovori prezidenta Uzbekistana Shavkata Mirziyoyeva i prezidenta Germanii Franka-Valtera Shtaynmayera vo dvorse Belvyu v Berline.
Tomonlar mintaqada, shu jumladan Afg‘onistondagi vaziyatni inobatga olgan holda xavfsizlikni ta’minlash, zamonaviy tahdid va xatarlarga qarshi kurashish borasidagi sheriklikni mustahkamlashdan manfaatdor ekanini bildirdi.
Afg‘on xalqiga manzilli gumanitar yordam ko‘rsatish, bunda chegaraoldi Termiz shahrida yaratilgan zamonaviy infratuzilma imkoniyatlaridan ham foydalanish muhimligi qayd etildi.
Peregovori prezidenta Uzbekistana Shavkata Mirziyoyeva i prezidenta Germanii Franka-Valtera Shtaynmayera vo dvorse Belvyu v Berline.
Madaniy-gumanitar almashinuv masalalariga alohida e’tibor qaratildi. Yetakchilar Berlin shahrida O‘zbekistonning tarixiy-madaniy merosiga bag‘ishlab noyob ko‘rgazma ochilayotganidan mamnunligini bildirdi.
Peregovori prezidenta Uzbekistana Shavkata Mirziyoyeva i prezidenta Germanii Franka-Valtera Shtaynmayera vo dvorse Belvyu v Berline.
O‘zbekistonda nemis tilini o‘rganish bo‘yicha kompleks dasturni tayyorlash, shu jumladan O‘zbekiston hududlarida Gote Instituti faoliyatini kengaytirish yuzasidan kelishuvga erishildi.
Peregovori prezidenta Uzbekistana Shavkata Mirziyoyeva i prezidenta Germanii Franka-Valtera Shtaynmayera vo dvorse Belvyu v Berline.
Uchrashuv yakunida Shavkat Mirziyoyev Frank-Valter Shtaynmayerni O‘zbekistonga tashrif bilan kelishga taklif etdi.