TOShKENT, 3-may — Sputnik. Rossiya Federatsiyasi olib borayotgan maxsus harbiy operatsiyaning so‘nggi sutka davomida sodir bo‘lgan asosiy voqealari.
Rossiya Mudofaa vazirligi hisoboti:
Kupansk yo‘nalishida "G‘arb" qo‘shinlar guruhi LXRning Stelmaxovka, Xarkov viloyatining Kamenka aholi punktlari hududlarida dushman bo‘linmalariga zarba berdi. Xarkov viloyatining Sinkovka va Berestovoe aholi punktlari hududida ikkita ukrain qo‘poruvchi razvedka guruhi harakatlarining oldi olindi.
Bir sutka davomida bu yo‘nalishda 40 nafargacha ukrain harbiy xizmatchisi, ikkita jangovar zirhli mashina, uchta avtomobil, D-30 gaubitsa yakson qilindi.
Krasniy-Liman yo‘nalishida "Markaz" qo‘shinlari guruhi DXRning Serebranka va Grigorovka va LXRning Chervonaya Dibrova, Nevskoe aholi punktlari hududlarida dushman kuchlari va texnikasiga zarba berdi.
50 nafargacha ukrain harbiy xizmatchisi, jangovar zirhli mashina, uchta pikap hamda ikkita “Msta-B” gaubitsa yo‘q qilindi.
Donesk yo‘nalishida hujum otradlari Artyomovsk shahrining g‘arbiy qismida jang olib bordi. "Janub" qo‘shinlar guruhi DXRning Bogdanovka va Grigorovka aholi punktlari hududlarida dushmanga zarba berdi.
O‘tgan sutkada bu yo‘nalishda 385 nafargacha ukrainalik harbiy va yollanma askar, bitta tank, to‘rtta zirhli jangovar mashina, to‘rtta avtomobil hamda D-20 va D-30 gaubitsasi yo‘q qilindi.
Janubiy Donesk va Zaporojye yo‘nalishlarida "Sharq" qo‘shinlar guruhi Doneskning Ugledar, Zaporojye viloyatining Temirovka va Gulyaypole aholi punktlari hududlarida dushmanning 70 nafargacha harbiy xizmatchisi, ikkita jangovar zirhli mashinasi, to‘rtta avtomobili hamda “Giatsint-B” gaubitsasi yo‘q qildi.
Xerson yo‘nalishida 30 nafargacha ukrain harbiysi, uchta avtomobil, “Giatsint-B” gaubitsasi va “Akatsiya” o‘ziyurar artilleriya qurilmasi yakson qilindi.
Rossiya aviatsiyasi, raketa kuchlari va artilleriyasi Ukraina Qurolli Kuchlarining 102 ta pozitsiyalarda joylashgan 86 ta artilleriya bo‘linmalariga zarba berdi.
Zaporojye viloyatining Stepnogorsk aholi punkti hududida AQShda ishlab chiqarilgan AN/TPQ-50 radiolokatsiya stansiyasi yo‘q qilindi.
Sumi viloyatining Progress aholi punkti hududida Ukraina Qurolli kuchlarining o‘q-dorilar ombori yakson qilindi.
Havo hujumidan mudofaa tizimlari o‘tgan sutkada to‘rtta HIMARS snaradi va bitta AQShda ishlab chiqarilgan JDAM boshqariladigan aviatsiya bombasini tutib qoldi. Bundan tashqari, Xerson viloyatining Podstepnoe, LXRning Olshani, Svatovo, DXRning Sergeyevka, Volnovaxa, Vasilyevka, Xarkov viloyatining Tavoljanko va Sumi viloyatining Romashkovo aholi punktlarida Ukrainaning o‘n oltida uchuvchisiz uchar qurilmasi yakson qilindi.
Maxsus harbiy operatsiya boshlangandan buyon Ukrainaning jami 416 ta samolyoti, 230 ta vertoloti, 3935 ta uchuvchisiz uchish apparati, 421 ta zenit-raketa majmuasi, 8948 ta tanki va boshqa zirhli jangovar texnikasi, 1095 ta zal bilan o‘t ochuvchi reaktiv tizimlari jangovar mashinasi, 4717 ta dala artilleriya quroli va minomoti hamda 9928 ta maxsus harbiy avtomobil texnikasi yo‘q qilindi.