TOShKENT, 2-may — Sputnik. Ukraina qo‘shinlari aprel oyida 15 mingdan ortiq odamni yo‘qotdi, dedi Rossiya mudofaa vaziri Sergey Shoygu armiya qo‘mondonligi bilan uchrashuvda.
“G‘arb davlatlarining misli ko‘rilmagan harbiy yordamiga qaramay, dushman katta yo‘qotishlarga duchor bo‘lmoqda. So‘nggi bir oyning o‘zida ular 15 mingdan ortiq odamini yo‘qotdi”, - deydi Shoygu.
Ta’kidlanishicha, Rossiya harbiylari o‘tgan oy davomida sakkizta Ukraina samolyoti, 277 ta dron, 430 ta tank va boshqa zirhli jangovar mashinalar, 18 ta RSZO, 225 ta dala artilleriya qurollari va minomotlarini yo‘q qildi.
Shoyguning ta’kidlashicha, Rossiya qo‘shinlarining harakatlari ko‘p jihatdan qurol-yarog‘ va texnika zaxiralarini o‘z vaqtida to‘ldirishga bog‘liq.
“2022 yil boshiga nisbatan sotib olingan asosiy turdagi qurollar soni 2,7 barobarga, ayniqsa talabga ega bo‘lgan qurollar soni yetti barobarga oshdi”, - dedi Mudofaa vazirligi rahbari.
Uning ta’kidlashicha, mudofaa sanoati umuman armiya va flot ehtiyojlarini ta’minlaydi, lekin shu bilan birga, o‘z majburiyatlarini bajara olmaydigan korxonalar xavfini o‘z vaqtida aniqlash va tezkor choralar ko‘rish zarur.
Moskva G‘arb davlatlarini Ukrainaga harbiy yordam ko‘rsatish faqat qarama-qarshilikni uzaytirishi haqida bir necha bor ogohlantirgan. Rossiya Tashqi ishlar vaziri Sergey Lavrovning ta’kidlashicha, Qo‘shma Shtatlar va uning NATOdagi ittifoqchilari nafaqat qurol yetkazib berish, balki Ukraina Qurolli kuchlari uchun kadrlar tayyorlash orqali ham mojaroning bevosita ishtirokchisiga aylandi.