TOShKENT, 2-may — Sputnik. AQSh Moliya vazirligi departamenti, agar Kongress qarz olish chegaralarini kengaytirmasa, 1-iyundayoq milliy qarzga to‘liq xizmat qila olmasligi mumkin. Bu haqda departament rahbari Janet Yellenning qonunchilarga yo‘llagan ogohlantirish maktubida nazarda tutilgan, deya yozmoqda RIA Novosti.
“So‘nggi federal soliq tushumlariga asoslanib, bizning eng yaxshi taxminimiz shundan iboratki, Kongress qarz limitini o‘sha paytgacha ko‘tarmasa yoki to‘xtatmasa, biz iyun oyi boshigacha, ehtimol, 1-iyungacha barcha hukumat majburiyatlarini bajarishda davom eta olmaymiz”, deya yozgan Yellen.
O‘tgan hafta AQSh Kongressi Vakillar palatasi respublikachilarning davlat qarzi chegarasini 1,5 trillion dollarga ko‘tarib, 4,5 trillion dollardan ortiq xarajatlarni qisqartirishni nazarda tutuvchi qonun loyihasini qabul qildi.
Jo Bayden ma’muriyati Kongressdan qarz olish chegaralarini so‘zsiz kengaytirishni talab qilishda davom etmoqda va aks holda AQSh yozda qarz majburiyatlarini bajara olmasligi haqida ogohlantirmoqda.
Prezident Makkarti bilan davlat qarzining chegarasi bo‘yicha muzokara qilishdan bosh tortdi va avval bo‘lganidek, uni avtomatik ravishda oshirishni talab qilmoqda.