TOShKENT, 28 apr — Sputnik. Yaqin kelajak Ukraina uchun hal qiluvchi bo‘lishi mumkin, chunki ittifoqchilar undan natija talab qilmoqda. Bu haqda Newsweek nashri sharhlovchisi Brendan Koul ma’lum qildi, deya yozmoqda RIA Novosti.
Yevropa biznes boshqaruvi instituti professori Pushan Datt Amerika jurnaliga “Stavkalar yuqori bo‘lishi mumkin emas. Vaqt odimlamoqda. Demak, vaqt Ukrainaning eng katta dushmani”, deya ma’lum qildi.
Ekspertning fikricha, Kiyev o‘z ittifoqchilarini harbiy yordamni davom ettirish zarurligiga “ishontirishi” kerak, aks holda G‘arbning “sabri tugaydi”.
Boshqa tomondan, maqolada ta’kidlanganidek, “jiddiy texnika taqchilligi” tufayli Ukraina uchun jang maydonida biror narsa ko‘rsatish qiyin.
“Ukraina Qurolli kuchlari yangi harbiy texnikaning bir qismini oladi, biroq yaqinda sizib chiqqan Pentagon hujjatlari shuni ko‘rsatdiki, Ukrainaning xalqaro hamkorlari, ayniqsa, havo mudofaasi sohasida hal qila olmagan yoki xohlamagan ayrim pozitsiyalarning jiddiy yetishmasligi saqlanib qolmoqda", - deya qo‘shimcha qildi britaniyalik tahlilchi Nik Reynolds.
Moskva G‘arbning harbiy yordami Ukraina uchun yaxshi natija bermasligi va faqat mojaroni cho‘zishini, qurol-yarog‘ tashish esa Rossiya kuchlari uchun qonuniy nishonga aylanishini bir necha bor ta’kidlagan.