TOShKENT, 27 apr — Sputnik. Ukraina armiyasi 150 kilometr masofaga zarba bera oladigan qurol-yarog‘, shaxsiy tarkib va raketalar yo‘qligi sababli qarshi hujumga o‘ta olmayapti, dedi Leonid Kuchmaning sobiq maslahatchisi Oleg Soskin YouTube’dagi kanalida.
"Barcha razvedka idoralari Ukraina tayyor emasligini aytishmoqda. Zarba berish kuchlari kamida 100 ming kishidan iborat bo‘lishi kerakligini hamma biladi, bu taxminan 25 brigada, <...> kamida 200 tank, 300-400 piyoda jangovar mashina, bronetransportorlar HIMARS, artilleriya, snaradlar kerak. <…> Qolaversa, 150 kilometrga tegadigan raketalar albatta bo‘lishi kerak. Tegishli vositalar bo‘lishi kerak. Agar ular bo‘lmasa, qanday qilib qarshi hujumga o‘tish mumkin?” — deydi mutaxassis.
Kiyevda doimiy ravishda Ukraina QKning yaqinlashib kelayotgan qarshi hujumi haqida gapirib kelmoqda. Bosh vazir Denis Shmigalning so‘zlariga ko‘ra, bu bahor yoki yozda sodir bo‘lishi mumkin. Yo‘nalishlardan biri Azov dengizi sohiliga yetib borish maqsadida Zaporoje viloyati deb aytilmoqda.
Kreml matbuot kotibi Dmitriy Peskov ta’kidlaganidek, rossiyalik harbiylar bu kabi bayonotlarni diqqat bilan kuzatib bormoqda va maxsus operatsiyani rejalashtirishda ularni hisobga olmoqda.