TOShKENT, 26 apr — Sputnik. 27 aprel kuni Toshkent va Buxoroda “G‘alaba diktanti” xalqaro tarixiy aksiyasi bo‘lib o‘tadi. Bu haqda Sputnik muxbiri xabar berdi.
“G‘alaba diktanti” - Ulug‘ Vatan urushi voqealari mavzusiga bag‘ishlangan xalqaro tarixiy diktant.
Ishtirokchilarga umumtarixiy mavzularda ham, mintaqaviy mavzularda ham 25 ta savol beriladi. Diktantga tayyorgarlik testlari aksiyaning rasmiy saytida joylashtirilgan.
Toshkentda tadbir Rossotrudnichestvo (Rus uyi) vakolatxonasida va G.V. Plexanov nomidagi Rossiya Iqtisodiyot universitetining filialida bo‘lib o‘tadi. Buxoroda esa g‘alaba diktanti 30-maktabda yoziladi.
Aksiya soat 14:00 da boshlanadi. Oldindan ro‘yxatdan o‘tish uchun havola mana bu yerda.