TOShKENT, 24 apr — Sputnik. Rossiya hisob-kitoblarda milliy valyutalardan foydalanishga o‘tdi, chunki dollar endi zaxira valyutasi emas va bu maqsadlar uchun xavfli bo‘ldi. Bu haqda Rossiya moliya vaziri Anton Siluanov ma’lum qildi.
“Hisob-kitoblarda milliy valyutadan foydalanish – bizning ustuvor vazifamiz. Zero, prezident to‘g‘ri aytganidek, biz dollardan emas, balki dollar bizdan ketdi, chunki dollardagi hisob-kitoblar xavfli bo‘lib qoldi. Muzlatib qo‘yishlari mumkin, to‘lov o‘tmasligi mumkin. Shu bois rubldan foydalanishga, do‘st mamlakatlar valyutasidan foydalanishga, raqamli valyutalardan foydalanishga o‘tish – bu bizning moliyaviy hisob-kitoblarni o‘tkazish uchun bugunimiz va kelajagimiz”, - dedi Siluanov “Znanie” (“Bilim”) marafonida nutq so‘zlayotib. Uning so‘zlaridan RIA Novosti iqtibos keltirgan.
Uning qo‘shimcha qilishicha, boshqa mamlakatlarning Rossiyaning bu tajribasidan foydalanish holatlari ko‘paymoqda.