TOShKENT, 22 apr — Sputnik.Tomsk politexnika universiteti olimlari Rossiya Fanlar akademiyasi bilan birgalikda kumush yordamida mikroblarning antibiotiklarga chidamliligini kamaytirishga muvaffaq bo‘lishdi. Bu haqda RIA Novosti xabar berdi.
Ishlanma mualliflarining fikriga ko‘ra, kumush nanozarrachalarga asoslangan preparat mikroblar allaqachon "himoya" paydo bo‘lgan dorilar bilan infeksiyalarni bostirish samaradorligini oshirishi mumkin.
Bakteriyalarning antibiotiklarga chidamliligi o‘sishi global sog‘liqni saqlash va veterinariya muammosidir. Olimlarning ta’kidlashicha, mikrobial qarshilikning kuchayishi o‘n yildan ko‘proq vaqt talab qiladigan dori-darmonlarni ancha qisqa vaqt ichida davolash uchun yaroqli bo‘lishiga olib keladi.
Tomsk politexnika universiteti kimogarlari Rossiya Fanlar akademiyasining Sibir federal agrobiotexnologiyalar ilmiy markazi mikrobiologlari bilan birgalikda eng “loyiq” mikroblarga qarshi vosita – kumushdan foydalanishga yangicha yondashuvni topishdi.
Ularning so‘zlariga ko‘ra, bir qator sinovlar oltin stafilokokklar va streptokokklarga qarshi kurashda kumush nanozarrachalarining jiddiy samaradorligini ko‘rsatdi.
Jamoaning so‘nggi ishi nanozarrachalarning hayvonlar va odamlarning eng keng tarqalgan va xavfli kasalliklardan biri – ichaklardagi tayoq shaklidagi bakteriya ta’siriga bag‘ishlangan.
“Bizning fikrimiz kumush nanozarrachalar eritmasidan antibiotiklarga qo‘shimcha sifatida emas, balki mustaqil dori sifatida foydalanishdir. Sinovlar bizning preparatimiz kasallikning antibiotiklarga sezgirligini keskin oshiradi degan xulosaga kelishimizga imkon beradi”, deydi mutaxassis.
Boshqacha aytganda, tadqiqotlar mikrobiologiyada yangi sahifa ochadi, bu ko‘plab eski dori vositalarining bozorga qaytishiga va ularning samaradorligini oshirishga imkon beradi.
Qiyosiy tahlil shuni ko‘rsatdiki, antibiotiklarni o‘z ichiga olgan dorilar bilan davolash ichak tayoqchasining unga va boshqa antibakterial dorilarga sezgirligini 20% dan ko‘proqqa pasayishiga olib keldi.
Hayvonlarni kumush nanozarrachalar bilan davolashdan so‘ng bakteriyalarning antibiotiklarga sezgirligi deyarli 20% ga oshdi.