TOShKENT, 19 apr — Sputnik. Sharqiy Yevropa davlatlari Ukrainadan qishloq xo‘jaligi mahsulotlarini olib kirishni asta-sekin taqiqlamoqda, bu ularning Kiyev bilan munosabatlari sovuqlashganidan dalolat beradi, deb yozadi “Newsweek”.
“Ukraina va boshqa Sharqiy Yevropa davlatlari o‘rtasidagi kelishmovchilik Ukrainadagi mojaro fonida Yevropa ittifoqchilari o‘rtasida bo‘linishdan darak beradi”, - deyiladi xabarda.
Maqola muallifining eslatishicha, Ukraina mahsulotlarining paydo bo‘lishi mahalliy fermerlarning tovarlari narxining pasayishiga olib keldi.
Mart oyida Bolgariya, Vengriya, Polsha, Ruminiya va Slovakiya bosh vazirlari Yevropa komissiyasi raisi Ursula fon der Lyayenga Ukrainadan importga vaqtinchalik to‘xtatilgan tariflarni qayta joriy etilishi kerakligi haqida maktub yo‘llagani ma’lum bo‘ldi.
Bu haqda Polsha bosh vaziri Mateush Moraveskiy shunday deb yozdi: “Ukrainani qo‘llab-quvvatlaymiz, lekin buni oqilona qilaylik va eng avvalo, mamlakat va polshalik fermerlar manfaatlarini birinchi o‘ringa qo‘yaylik!”.
Kiyev Varshavaning pozitsiyasini qoralab, hozir eng qiyini ukrainalik fermerlar uchun ekanini, turli masalalarni bir tomonlama hal qilish vaziyatni ijobiy hal qilishni tezlashtirmasligiga ishora qildi.