TOShKENT, 19 apr — Sputnik. Ukrainadagi mojaroga Kiyevga qurol yetkazib berish va Moskvaga qarshi sanksiyalar qo‘llash orqali erishib bo‘lmaydi. Bu haqda Braziliya prezidentining xalqaro masalalar bo‘yicha maslahatchisi Selsu Amorim ma’lum qildi, deya xabar berdi RIA Novosti.
Uning so‘zlariga ko‘ra, bir tomonning harbiy qudratini kuchaytirish yoki ikkinchisiga qarshi sanksiyalar joriy etilishi tinchlikka erishishga yordam bermaydi.
“Bu muloqotga yordam bermaydi va muzokaralar uchun qulay muhit yaratmaydi. Bu qasddanmi yoki yo‘qmi, urushni faqat uzaytiradi”, - dedi u.
U, shuningdek, "Rossiyani zaiflashtirish" yoki "Rossiyani mag‘lub etish" niyatidagi bayonotlarni tanqid qildi.
Rasmiy Braziliyaning BMT Nizomi va xalqaro huquqni qo‘llab-quvvatlashini yana bir bor tasdiqlab, “Rossiyani mag‘lub etish” yoki Moskvaga qarshi sanksiyalar qo‘llash istagi “tinchlik olib kelmasligiga” ishonishini ta’kidladi.
“Rossiya katta va muhim davlat, bundan tashqari u Braziliyaning hamkoridir”, - dedi Amorim.
Diplomat, shuningdek, Kiyev ittifoqchilarini Sharqiy Yevropadagi vaziyatni tinch yo‘l bilan tartibga solishga aralashmaslikka chaqirdi.
"Siz nimaga erishmoqchisiz? Qasos olishni xohlaysizmi? Saboq berish? Oxirgi marta bunday siyosat olib borilgan - Birinchi jahon urushidan keyin - nima bo‘ldi", - deb eslatdi u.