TOShKENT, 16 apr — Sputnik. Tojikistonda “Dushanbe XIII xalqaro yarim marafon” musobaqasi bo‘lib o‘tdi. Bu haqda Milliy olimpiya qo‘mitasi xabar berdi.
Mazkur turnirda Belarus, Kanada, Keniya, Qozog‘iston, Qirg‘iziston, Rossiya, O‘zbekiston, Ukraina, Fransiya, Xitoy, AQSh, Eron, Efiopiya kabi mamlakat vakillari ishtirok etishdi.
Musobaqada O‘zbekiston terma jamoasi yetakchisiga aylanib ulgurgan Shohruh Davlatov 1:01:24 hamda Yekaterina Tunguskova 1:13:31 vaqt ko‘rsatib, oltin medalni qo‘lga kiritishdi.
Har ikki natija mamlakat rekordi sifatida qayd etildi.