TOShKENT, 16 apr — Sputnik. Rossiya Qurolli Kuchlarining “Vostok” qo‘shinlari janubiy Donesk va Zaporojye yo‘nalishlarida dushman pozitsiyalariga hujum qilib, bir sutkada 45 dan ortiq Ukraina harbiylarini va to‘rtta texnikani, jumladan Amerikada ishlab chiqarilgan bitta AN/TPQ-37 artilleriyaga qarshi radarni yo‘q qildi. Bu haqda Rossiya Mudofaa vazirligi ma’lum qildi.
Janubiy Donesk va Zaporojye yo‘nalishlarida “Vostok” qo‘shinlari guruhining havo va artilleriya zarbalari DXRning Ugledar va Novoselka tumanlaridagi Ukraina armiyasi bo‘linmalariga berilgan. Bundan tashqari, Novodonesk tumanida dushmanning sabotaj-razvedka guruhining faoliyati bostirilgan.
Qayd etilishicha, kun davomida ushbu yo‘nalishlarda dushmanning yo‘qotishlari 45 dan ortiq ukrainalik harbiy xizmatchi, ikkita avtomobil, shuningdek, D-30 gaubitsasini tashkil etgan. Bundan tashqari, AQShda ishlab chiqarilgan AN/TPQ-37 artilleriyaga qarshi radar ham yo‘q qilingan.