TOShKENT, 15 apr — Sputnik. Fransiya prezidenti Emmanuel Makron pensiya islohoti to‘g‘risidagi qonunni imzoladi, bu bo‘yicha hujjat rasmiy jurnalda e’lon qilindi. Bu haqda RIA Novosti Frans Press agentligiga tayanib xabar berdi.
Kecha Fransiya Konstitutsiyaviy kengashi 2030-yilgacha pensiya yoshini 62 yoshdan 64 yoshga ko‘tarish haqidagi qonun loyihasini ma’qulladi.
Davlat rahbari yangi qonunni 48 soat ichida e’lon qilishi kerak edi. Birinchi chora-tadbirlar 1-sentabrdan kuchga kiradi.
Konstitutsiyaviy kengash qarori e’lon qilinganidan keyin fransuz kasaba uyushmalari 1-maygacha pensiya islohoti bo‘yicha hukumat bilan uchrashuv o‘tkazishga rozi bo‘lmasliklarini ma’lum qildi va o‘sha kuni “eksklyuziv va ommabop” norozilik aksiyasi o‘tkazishga chaqirdi.
Mart oyida Fransiya bosh vaziri Elizabet Borne konstitutsiyaning 49.3-moddasidan foydalanib, pensiya yoshini 62 yoshdan 64 yoshga ko‘tarish to‘g‘risidagi qonun loyihasini parlamentda ovoz berishsiz qabul qilgan edi.
Ushbu tashabbus noroziliklarning kuchli to‘lqiniga sabab bo‘ldi, ularning aksariyati butun mamlakat bo‘ylab milliondan ortiq ishtirokchilarni to‘pladi. Natijada tartibsizliklar yuzaga keldi.
Mavzuga doir: