TOShKENT, 14 apr — Sputnik. AQSh prezidenti Jo Bayden qo‘shiqchi Ledi Gagani Oq uy san’at va madaniyat qo‘mitasi hamraisi etib tayinladi. Bu haqda RIA Novosti amerika administratsiyasiga tayanib xabar berdi.
Xabarga ko‘ra, Gaga 13 ta "Gremmi" mukofoti sohibi bo‘lib, bu uni "tarixdagi tijorat sohasida eng muvaffaqiyatli ayol musiqachilardan biriga aylantirdi".
Oq uy, shuningdek, u "Forbes" jurnali dunyoning eng nufuzli ayollari ro‘yxatiga, shuningdek, "Time" jurnali talqiniga ko‘ra dunyodagi eng nufuzli 100 kishi ro‘yxatiga kiritilganini eslatdi.
Bundan tashqari, Bayden amerikalik produser Brus Koenni ushbu qo‘mitaning yana bir hamraisi etib tayinladi.
Madaniyat va san’at qo‘mitasi 1982-yilda tashkil etilgan bo‘lib, uning vazifasi Oq uyga madaniyat siyosati bo‘yicha tavsiyalar berishdan iborat. U "san’at va gumanitar fanlarni qo‘llab-quvvatlashga sodiqligini ko‘rsatgan" taniqli san’atkorlar, olimlar va xayriyachilardan iborat. Ushbu qo‘mita a’zolari shaxsan AQSh prezidenti tomonidan tayinlanadi.