TOShKENT, 13 apr — Sputnik. Ukrainada ikki nafar amerikalik yollanma askar halok bo‘ldi, deb xabar qildi Daily Beast.
Nashrning yozishicha, ulardan biri – Edvard Uolter Uiltonning o‘ldirilgani haqidagi ma’lumotlar “Rossiyaga xayrixoh blogerlar” orasida paydo bo‘lgan. Artyomovsk uchun bo‘lgan janglarda halok bo‘lganligi ma’lum qilingan. Uiltonning qarindoshi nashrga uning o‘limini tasdiqladi, biroq ma’lumot berishdan bosh tortdi.
Uiltondan tashqari, Ukrainada sobiq dengiz piyodasi Gredi Kerpasi ham o‘ldirilgan. Uning Ukrainada o‘limi haqidagi ma’lumot uning oilasi nomidan GoFundMe kraudfanding platformasida chop etilgan. Yollanma askarning rafiqasi nashrga AQSh Davlat departamenti oila bilan aloqada ekanligini tasdiqladi.
2022 yil aprel oyida Rossiya Tergov qo‘mitasi Rossiya Mudofaa vazirligining Ukraina tomonidagi harbiy harakatlarda xorijiy yollanma askarlarning ishtiroki haqidagi ma’lumotlarini o‘rganishini xabar qilingandi. O‘tgan yilning noyabr oyida Tergov qo‘mitasi matbuot xizmati Kiyev tomonida jangovar harakatlarda qatnashish uchun yollanma askarlarni tanlashda Ukrainaning xorijdagi elchixonalari xodimlari yordam berishayotgani aniqlanganini ma’lum qildi.