TOShKENT, 12 apr — Sputnik. Referendum kuni uchastkalarda ovoz berish jarayonlari onlayn translyatsiya qilinadi. Bu haqda Markaziy saylov komissiyasining majlisida ma’lum qilindi.
Qayd etilishicha, referendum o‘tkazuvchi ayrim uchastkalarga video kuzatuv kameralari o‘rnatiladi.
“Bu ovoz berish jarayonlarini xolis kuzatishga imkon yaratadi. Referendumda ochiqlik va oshkoralikni taminlaydi”, - deydi MSK raisi o‘rinbosari Bahrom Qo‘chqorov
Uchastkalarga o‘rnatiladigan kameralar orqali referendumda ovoz berish jarayonlari MSKning rasmiy saytida, MSKning Matbuot markazida joylashgan LED-ekran va ayrim mahalliy telekanallar orqali real vaqt rejimida translyatsiya qilib boriladi.