TOShKENT, 12 apr — Sputnik. Prezident Shavkat Mirziyoyevga Turkiyada "Togg" brendi ostida ishlab chiqarilgan ilk milliy elektromobil taqdimot qilindi. Bu haqda davlat rahbari matbuot xizmati xabar berdi.
Turkiya prezidenti Rejep Tayyip Erdog‘an nomidan yuborilgan mashina kalitini ushbu mamlakat sanoat va texnologiyalar vaziri Mustafo Varank topshirdi.
Mirziyoyev elektromobil ruliga o‘tirib, uni haydab ko‘rdi.
Avvalroq Erdog‘an O‘zbekiston rahbariga Turkiyaning yangi "Togg T10X" elektromobilini yuborganini xabar qilingan edi.