TOShKENT, 10 apr — Sputnik. Pentagon va Amerika razvedkasi maxfiy hujjatlarining internetda tarqalishi Vashingtonning Kiyevga keyingi yordam ko‘rsatishi uchun qiyinchilik tug‘dirishi mumkin. Bu haqda “Bloomberg” agentligi yozmoqda.
Nashrning ta’kidlashicha, “eng yiriklaridan biri” bo‘lishi mumkin bo‘lgan taxminiy AQSh maxfiy harbiy hujjatlarining sizishi Amerika Mudofaa vazirligining rasmiy surishtiruv o‘tkazishiga sabab bo‘lgan va “Amerikaning Ukrainaga yordam ko‘rsatishini qiyinlashtirishi mumkin”.
Qayd etilishicha, AQSh hukumatining go‘yoki taxmin qilinayotgan Ukraina armiyasining qarshi hujumi arafasida Kiyevga yordam ko‘rsatishi bilan bog‘liq muammolari paydo bo‘lishi mumkin.
Aniqlik kiritilishicha, hujjatlar internetda keng tarqalgan, shu bois ularni o‘chirib tashlash yoki ular yetkazadigan zararni kamaytirishning imkoni yo‘q.
Avvalroq Pentagonning ijtimoiy tarmoqlarga sizdirilgan maxfiy hujjatlaridan AQSh Ukraina prezidenti Vladimir Zelenskiy ortidan ayg‘oqchilik qilgani ma’lum bo‘lgani xabar qilingan edi.