Afsuski, Falastin va Isroil kelishuvi jarayoni ancha orqaga tashlandi — Lavrov

TOShKENT, 7 apr — Sputnik. Falastin va Isroil o‘rtasidagi munosabatlarni tartibga solish jarayoni ancha orqaga tashlandi, Moskva tomonlar o‘rtasida to‘g‘ridan-to‘g‘ri muloqot tarafdori, dedi Rossiya tashqi ishlar vaziri Sergey Lavrov Anqaraga tashrifi chog‘ida. RIA Novosti xabariga asosan.

"Falastin va Isroil o‘rtasidagi munosabatlarni tartibga solish jarayoni falastinliklar va isroilliklar tomonidan ko‘rilgan bir tomonlama choralar natijasida, afsuski, jiddiy to‘qnashuvlarga olib keldi. Bundan buyon vaziyatning yanada keskinlashishi mumkin”, — dedi Lavrov Turkiya TIV rahbari bilan qo‘shma matbuot anjumani chog‘ida.

Rossiya TIV rahbarining aytishiga ko‘ra, ushbu xavotirli vaziyatda Amerika Qo‘shma shtatlari "Sharq to‘rtligi" davlatlari uchrashuviga to‘sqinlik qilmoqda.

“Rossiya, AQSh, Yevropa Ittifoqi va BMT to‘rtligi – Arab davlatlari ligasining majburiy ishtiroki bilan shunday aylanadaki, amalda va natijaga umid qilgan holda kelishuvlarga erishish mumkin. ...Bu to‘rtlik anchadan beri uchrashmagan, uning uchrashuvlari AQSh tomonidan to‘sib qo‘yilgan va, afsuski, bunday uchrashuvlar tashabbuskori bo‘lishi kerak bo‘lgan BMT bosh kotibi qandaydir tarzda o‘z vazifasini bajarmayapti”, — dedi Lavrov.

Rossiya vazirining qo‘shimcha qilishicha, bu borada Qo‘shma Shtatlar tomonidan taklif qilinayotgan choralar ikki davlatning ham asosiy tamoyillariga mos kelmaydi.

Rossiya bu borada anchadan fikri o‘zgarmagan: mintaqada tinchlik o‘rnatish uchun har ikki davlat BMT tamoyillariga to‘liq amal qilgan holda to‘g‘ridan-to‘g‘ri muloqotga qaytishi kerak. Yakuniy natija ikki davlat orasidagi kelishuv formatida bo‘lishi kerak.