TOShKENT, 1 apr — Sputnik. Andijon viloyati Izboskan tumanida yashovchi Muslimaxon Fayzullayeva va uning turmush o‘rtog‘i Dostonbek Fayzullayev biryo‘la uch egizak o‘g‘illarning ota-onasiga aylandi, deya xabar berdi Sog‘liqni saqlash vazirligi.
Tug‘uruq jarayoni viloyat perinatal markazida mahoratli shifokorlar nazorati ostida kesarcha usulida, asoratsiz amalga oshirildi. Natijada 1715, 2350 va 2510 gramm bilan jajji chaqaloqlar dunyoga keldi.
Egizaklar
© SSV
“Hozir ona va go‘daklarning salomatligi yaxshi. Birinchi go‘dak nisbatan kam vazn bilan tug‘ilganligi bois alohida parvarishlanmoqda. Ikkinchi va uchinchi farzandlarning zarur vitamin hamda ona suti bilan oziqlanishi esa neonatolog shifokor va hamshiralar nazoratida”, deyiladi xabarda.
Eslatib o‘tamiz, shu yil 8-mart — Xalqaro xotin-qizlar kuni Sirdaryo viloyatining Guliston shahrida yashovchi 35 yoshli ayol uch egizak qizaloqni dunyoga keltirgan edi.