TOShKENT, 30 mar - Sputnik. Rossiya prezidenti Vladimir Putin 1-apreldan boshlanadigan va 15-iyulgacha davom etadigan muddatli harbiy xizmatga bahorgi chaqiriq to‘g‘risidagi farmonni imzoladi. RIA Novosti xabariga asosan.
Ushbu kampaniya davomida zaxirada bo‘lmagan va "Harbiy burch va harbiy xizmat to‘g‘risida"gi qonun talablariga javob beradigan 147 ming Rossiya fuqarolarini chaqirish rejalashtirilgan.
Xuddi shu farmon bilan prezident “harbiy xizmat muddati tugagan askarlar, matroslar, serjantlar va brigadirlarni harbiy xizmatdan” bo‘shatish to‘g‘risida qaror qabul qildi. Hujjat e’lon qilingan kundan boshlab kuchga kirdi.
Davlat Dumasining Mudofaa bo‘yicha qo‘mitasi rahbari Andrey Kartapolov avvalroq aniqlik kiritganidek, chaqiriluvchilar DXR, LXR, Xerson va Zaporojye viloyatlariga xizmat qilish uchun yuborilmaydi. Shuningdek, chaqiriluvchilarning yoshini bosqichma-bosqich o‘zgartirish loyihasi bahorgi chaqiruvga ta’sir qilmasligini ma’lum qilgan edi.