TOShKENT, 29 mar — Sputnik. Albaniyaning Durres shahrida o‘tkazilayotgan og‘ir atletika bo‘yicha o‘smirlar o‘rtasidagi jahon chempionatida o‘zbekistonlik sportchi Diyorbek Ermatov 3 ta medalga sazovor bo‘ldi. Bu haqda Yoshlar siyosati va sport vazirligi xabar berdi.
Musobaqa doirasida 81 kg vazn toifasida supaga chiqqan Diyorbek Ermatov 1 ta oltin va 2 ta bronza medaliga sazovor bo‘ldi.
Diyorbek Ermatov
© Yoshlar siyosati va sport vazirligi
U o‘zining sevimli dast ko‘tarish mashqida 145 kg bilan eng yuqori natija qayd etdi. Siltab ko‘tarishdagi 169 kg va ikki kurashdagi 314 kg uni shohsupaning uchinchi pog‘onasiga ko‘tarilishini ta’minladi.
Og‘ir atletika bo‘yicha o‘smirlar o‘rtasidagi jahon chempionati
© Yoshlar siyosati va sport vazirligi