TOShKENT, 29 mar — Sputnik. Vashington geosiyosiy pokerda Moskva va Pekinga yutqazmoqda. Bu haqda AQSh Markaziy razvedka boshqarmasi (MRB – CIA) sobiq maslahatchisi Jeyms Rikards “Daily Reckoning” nashri uchun yozgan maqolasida ma’lum qildi.
“Rossiya prezidenti Vladimir Putin va XXR yetakchisi Si Szinpinning uchrashuvi oliy darajadagi shunchaki navbatdagi muzokaralardan ko‘ra ahamiyatliroq bo‘lgan. Bu AQShni ikkinchi o‘ringa surib qo‘yayotgan yangi dunyo tartibi sharafiga uyushtirilgan o‘ziga xos bazm bo‘ldi”, - deyiladi maqolada. Undan RIA Novosti iqtibos keltirgan.
Muallifning ta’kidlashicha, bo‘lib o‘tayotgan voqealar mazmunini anglashning eng oddiy usuli – pokerdan metafora sifatida foydalanish.
“Uch ishtirokchi (AQSh, Rossiya va Xitoy) o‘ynayotgan poker o‘yinini tasavvur qiling. O‘yinchilarning eski naqli bor: agar siz stol atrofida o‘tirib, omadsiz kim ekanini bilmasangiz... demak u siz”, - deya yozadi MRB sobiq maslahatchisi.
Rikardsning fikricha, har qanday uch tomonlama musobaqada ikkita tomonning uchinchi tomonni tor-mor etish uchun birgalikda ishlashi ahamiyatli. Moskva va Pekin esa aynan shu bilan shug‘ullanmoqda.
Rikardsning fikricha, har qanday uch tomonlama musobaqada ikkita tomonning uchinchi tomonni tor-mor etish uchun birgalikda ishlashi ahamiyatli. Moskva va Pekin esa aynan shu bilan shug‘ullanmoqda.
Xitoy rahbari Si Szinpin 20-22 mart kunlari davlat tashrifi bilan Rossiyada bo‘ldi, bu uning uchinchi muddatga davlat rahbari lavozimiga qayta saylanganidan so‘ng xorijga ilk safari bo‘ldi. 20-mart kuni Xitoy Xalq Respublikasi raisi Rossiya prezidenti Vladimir Putin bilan norasmiy uchrashuv o‘tkazdi, 21-mart kuni esa delegatsiyalar ishtirokida Rossiya-Xitoy muzokaralari bo‘lib o‘tdi.
Tashrif doirasida 2030-yilgacha Rossiya-Xitoy iqtisodiy hamkorligining asosiy yo‘nalishlarini rivojlantirish rejasi bo‘yicha qo‘shma bayonot imzolandi.