TOShKENT, 28 mar — Sputnik. Rossiya Mudofaa vazirligi maxsus operatsiya jarayonida birinchi marta Amerikaning GLSDB - uzoq masofali boshqariladigan raketasi urib tushirilgani haqida xabar berdi.
“Havo hujumidan mudofaa tizimlari kun davomida 18 ta HIMARS (AQSh) raketalari va bitta GLSDB boshqariladigan bombani tutib oldi”, — deyiladi xabarda.
Ushbu "aqlli bomba" Boeing va Shvetsiyaning Saab kompaniyasining birgalikdagi ishlanmasi bo‘lib, u bombaga raketa dvigateli ulangan va AQShda ishlab chiqarilgan HIMARS raketa tizimi orqali uchiriladi. Ma’lum balandlikka yetganidan so‘ng, u ishlatib bo‘lingan raketa qismidan ajraladi va qanotlari yordamida uzoq masofalarga yetib boradi. Ushbu jarayonda u boshqarilishi ham mumkin.
HIMARS qurolining oddiy raketalari 80 kmga zarba bersa bu "aqlli bomba" 150 kilometr masofagacha yetib borishi mumkin. Lekin uning o‘ziga xos kamchiliklari ham bor. Raketa dvigatelidan ajralganidan so‘ng uning tezligi pasayib qoladi. Ikkinchidan bombaning manzilga yetkaza olishi mumkin bo‘lgan portlovchi modda miqdori ham oddiy snaradga nisbatan bir necha barobar kam.
Xo‘sh Kiyevga bunday bomba nima uchun kerak? Harbiy ekspert Aleksey Leonkovning RIA Novosti muxbiriga tushuntirishiga ko‘ra, bu ularga HIMARSlarni front chizig‘idan uzoqroqqa ko‘chirish uchun kerak.
Rossiya Qurolli Kuchlari hali jang maydonida bunday o‘q-dorilarga duch kelmagan, ammo bunday obyektlar bilan kurashish qobiliyati "Tor-M2" va "Pansir-S1" havo mudofaa tizimlarida bor, dedi Leonkov.
Ma’lumot uchun, Rossiya hukumati Ukrainaga chet el qurollarining yetkazib berilishi mojaroni uzaytirishi, Ukrainada qurbonlar va vayronalar sonini oshirishi haqida bir necha bor ogohlantirgan edi.