TOShKENT, 28 mar — Sputnik. O‘zbekistonlik Qirg‘izistondan 13 ta olmaxonni olib chiqib ketmoqchi bo‘ldi, deya xabar berdi Sputnik Qirg‘iziston.
Kecha “Do‘stuk” nazorat-o‘tkazish punktida 43 yoshli o‘zbekistonlik qo‘lga olingan. U qafaslarni shaxsiy buyumlari bilan berkitib, O‘sh viloyatidan chegarani kesib o‘tmoqchi bo‘lgan.
Erkakda kemiruvchilar uchun hech qanday hujjat bo‘lmagan.
Uning aytishicha, undan hayvonlarni olib o‘tishni so‘rashgan, biroq ular nima uchun buyurtmachilarga kerakligi noma’lum. Chegarachilar kontrabandachi va olmaxonlarni vakolatli organlarga topshirishgan.