TOShKENT, 28 mar — Sputnik. Navoiy issiqlik elektr stansiyasida quvvati 1 MVt bo‘lgan quyosh fotoyelektr stansiyasi qurilishi boshlandi, deya xabar berdi Energetika vazirligi.
Qayd etilishicha, issiqlik elektr stansiyalarida o‘z ehtiyojlari uchun zarur bo‘lgan elektr energiyasi muqobil energiya manbalari yordamida ishlab chiqarilmoqda.
Dastlabki hisob-kitoblarga ko‘ra, Navoiy IESda o‘rnatilayotgan quyosh panellari orqali yiliga o‘rtacha 1,8 mln kVt soat elektr energiyasi ishlab chiqariladi.
Buning natijasida yiliga 400 ming kub metr tabiiy gaz iqtisod qilinishiga erishiladi.