TOShKENT, 22 mar — Sputnik. Afg‘onistondagi zilzila oqibatida halok bo‘lgan pokistonliklar soni to‘qqiz kishiga yetdi. Bu haqda RIA Novosti The News nashriga tayangan holda xabar berdi.
Qayd etilishicha, episentri Afg‘oniston shimoli-sharqida sodir bo‘lgan zilzila oqibatida 9 nafar pokistonlik qurbon bo‘ldi, 44 kishi jarohat oldi.
Eslatib o‘tamiz, kecha Afg‘onistonda Tojikiston bilan chegaradosh tog‘li hududidan 50 kilometr uzoqlikda 6,5 magnitudali zilzila sodir bo‘lgani xabar qilingandi. Yer silkinishlari Hindiston, Pokiston va Markaziy Osiyo davlatlarida ham sezilgan.
Avvalroq Pokistonda episentri Afg‘oniston shimoli-sharqida sodir bo‘lgan zilzila oqibatida kamida ikki kishi halok bo‘ldi, olti kishi jarohatlangani ma’lum qilingandi.