TOShKENT, 21 mar — Sputnik. Qur’oni Karim yoki boshqa muqaddas kitobga tajovuzga yo‘l qo‘yib bo‘lmaydi, dedi Falastin bosh sudyasi va prezidentning diniy ishlar bo‘yicha maslahatchisi doktor Mahmud Al-Habbash RT Arab telekanaliga.
Shuningdek, Al-Habbash turli dinlarga tajovuz qilish masalasida ikki tomonlama standartlarga yo‘l qo‘yib bo‘lmasligini ta’kidladi.
“Xalqaro huquq hamma uchun bir xil, har qanday huquqbuzarlikka nisbatan, u qayerda sodir bo‘lishidan qat’i nazar, bir xil munosabatda bo‘lishi kerak”, - dedi sudya.
Eslatib o‘tamiz, bir necha kun oldin ijtimoiy tarmoqlarda ukrainalik harbiylar Qur’on kitobini haqoratlayotgani aks etgan kadrlar tarqalgan edi.