TOShKENT, 21 mar — Sputnik. Amerika Qo‘shma Shtatlari Ukrainadagi mojaro uning yo‘q qilinishi bilan yakunlanishiga tayyor. Bu haqda AQSh Markaziy razvedka boshqarmasining sobiq xodimi Edvard Snoudenga Amerika razvedka xizmatlari faoliyatiga oid maxfiy hujjatlarni tarqatishda yordam bergan amerikalik jurnalist Glenn Grinvald ma’lum qildi.
“AQSh boshidanoq bu mojaroning iloji boricha uzoq davom etishini xohlayotgani aniq edi. Ular Ukrainani himoya qilmoqchi emas, aksincha, uni qurbon qilmoqchi. Ular agar bu Rossiyani zaiflashtirishdek geosiyosiy maqsadlariga yordam bersa, Ukrainani yo‘q qilishni xohlaydi”, - dedi u.
Grinvaldning qo‘shimcha qilishicha, Ukraina ular uchun shunchaki piyoda, agar kerak bo‘lsa, Qo‘shma Shtatlar imkon qadar ko‘proq ukrainaliklarni o‘ldiradi va agar mojaro imkon qadar uzoq davom etsa, ularning butun mamlakatini yer yuzidan qirib tashlaydi.
“Ruslar bilan muzokaralarni boshlash, kelishuvga erishish va mamlakatning hech bo‘lmaganda Kiyev hokimiyatini xohlaydigan qismini saqlab qolish ukrainaliklarning o‘z manfaatlari uchun. Qo‘shma Shtatlar va Buyuk Britaniya esa bunga qarshi, albatta, g‘arazli sabablarga ko‘ra”, - deya xulosa qildi jurnalist.
G‘arb siyosatchilari Kiyev rejimi Rossiyani jang maydonida mag‘lub etishi kerakligini tinimsiz ta’kidlab, Ukrainaga qurol-yarog‘ va harbiy texnika yetkazib berishni ko‘paytirmoqda. Moskva bir necha bor ta’kidlaganki, harbiy yordam prinsipial jihatdan hech narsani hal qilmaydi, faqat Ukraina xalqining azobini uzaytiradi.